साथीको हत्या अभियोगमा दुई नेपाली युवा पक्राउ

जापानको फुकुओकामा बिहीबार बिहान एक नेपाली विद्यार्थी मृत अवस्थामा फेला परेका छन। गोरखा घर भई स्थानिय कलेजमा अध्ययनरत नेपालीको मृत्युलाई जापान प्रहरीले शंकास्पद भन्दै दुईजना संगै बस्दै आएका साथीहरूलाई पक्राउ गरेको छ।

विद्यार्थी भिषामा अध्ययनका लागि तीन बर्ष अघि जापानको फुकुओकामा जापानिज भाषा विद्यार्थीका रुपमा आएका गोरखा घर भएका बर्सिला थरका नेपाली विद्यार्थीको मृत्यु भएको हो ।

नेपाली राजदूतवास टोकियोले दिएको जानकारी अनुसार फुकुओकामा नेपाली विद्यार्थीको मृत्युलाई शंकास्पद ठानेर संगै कोठामा वस्दै आएका दुई जनालाई जापान प्रहरीले अनुसन्धनका लागि हिरासतमा राखेको हो। प्रहरीले अनुसन्धानमा समय लाग्ने जानकारी दिएको बताएको छ ।

पक्राउ पर्नेमा सगै कोठामा बस्ने ढकाल थरका नेपाली युवा अर्का थापा थरका युवा छन ।

गत विहिबार तीनैजना साथिहरुसगै बसि खाईपिई सुतेका थिए । प्रहरीले मध्यरातमा तीनजना बीच झगडा पश्चात हत्या भएको हुन सक्नेशंका गरेको छ । जसका कारण पक्राउ परेका साथीहरू चार दिन सम्मपनि प्रहरी हिरासतमा राखिएको छ। जसका कारण उनीहरूलाई साथी हत्याको आरोप लागेको हुनसक्ने अनुमान गरिएको छ।

निकट साथीहरूका अनुसार उनिहरू तीनै जना केहीदिनयता बिदा मनाउने भन्दै लगातार पिउदै बसेका थिए।

पोष्टमार्टम पछि मृत्युको यथार्थ कारण स्पष्ट हुने बताउदै घटनाको जानकारी नेपालमा रहेको परिवारलाई जानकारी गराईएको मृतक अध्ययन गर्ने विद्यालयले जानकारी दिएको छ।